今天一早便到郵局去領取早前申請的稅務編號Tax file no.
順便寄埋名信片番香港。
尼度寄名信片到其他地方，一張就需要1.3澳元，
而我寄左兩張，一張比佛堂，一張比屋企人。
買名信片就大約0.40一張，不過當我買左之後，
先發現郵局有d係賣1.2一張包埋郵費，哎呀....蝕左tim~~
下次我會醒d架啦，你地有無人想收名信片丫??
不過你地想我都唔會寄架啦，咁貴~~ kaka
老實講，d名信片的相好例牌，唔係電車就係袋鼠，
你地睇下我影果d相仲好啦~ 係咪先~~
仲有，我今日發現尼度都有我部Canon G9賣，
不過賣緊800蚊澳元，嘩!!! 成6千幾蚊港紙丫。
部Canon 400D仲勁，賣緊1千3百幾澳元.....
大家係咪覺得香港雖然物價係咁漲，
但聽到尼度d消費後，突然好幸福呢~~ kaka
不過，尼邊d人工都好高既，(除左waiter之外)
尤其係做會計的朋友，因為尼度好缺乏會計的人才，
會計的工資有成3x-4x個小時架，如果你地想搵下快錢，
即管申請個Working Holiday Visa過黎，
去悉尼或者墨爾本做番一年，包你賺到笑咁返香港~
發表文章
6 則留言:
哈哈!!
今次蝕左少少...換來下一次精明嗎!!
申請左Tax File No.先可以寄信架???
的確明信片來來去去都係好普通既景色...Keep住睇你upload既相更為地道!!
咁你要我地寄香港明信片給你, 讓你懷念一下香港嗎!?
唔係，因為我無固定地址，所以tax file no.要send去郵局。有tax file no.先可以打鬼佬工的~
咁又唔洗，我都係香港睇左成廿年，睇小一年唔會有咩思鄉既~ haha
申請tax no.係咪係當地啲post office申請?
咁冇固定地址,稅局點通知你?
澳洲啲tax都幾貴....
Tax file no. 係當地的Tax office度攪，其實去到佢會比個網址你，你自己用電腦上網APPLY，因為通常剛到步的人都係住短期HOSTEL，所以Tax Office會允許用附近的郵局做收信地址，申請的時候會教你用邊個郵局地址。
另外，大約一個星期至十五天，該郵局就會收到你封信，如果你即將離開前住另一個地方而趕不及拿，佢會幫你保留一個月，然後就會將封信彈返去Tax office，咁你係澳洲任何地方的tax office都可以拎到個no.。
你做咩唔寄張明信片俾我呀,衰仔!!
點呀? 慣唔慣個邊的生活呀? d煙花好靚,好羨慕你個邊的生活，但一諗到我的親人、朋友都係香港...我又唔羨慕lu~~~~
Ivy : 名信片係專為D唔識上我果BLOG睇的人而設架，你咁幸福可以識上網，睇到咁多姿多采的異地文化，應該開心先岩。何況我無你地址.....
張貼留言